Kinkiland

總算把這個試都考完了，開頭的筆試和包紮都很順利，
可是到了CPR….完全感受到什麼叫”臨尾香“！
9月23日便會出成績，希望一切順利吧….

什麼都已成事實了，現在可以做的事就是…..
努力忘記吧！

我住的地方離上班的地方很遠，
每天早上都要花上一個小時的車程才到達公司，
看上來好像很辛苦似的，但我卻很享受，
因為每天都會有額外一小時的睡眠時間，
所以我從來都不會介意住得遠。

不過自從上次發覺有賤男出沒後，
倘若隔離座位的不是同性，我再不敢熟睡了，
可是，儘管身邊的那一位是同性的也好，
若果我不是坐在窗口位的話，一過了隧道後我都不敢再睡，
因為怕會礙著別人下車，所以一直以來都不是睡得很熟。

直至我找到了2位熟睡partner，一位是男性，另一位是女性，
早陣子不其然的分別跟他們坐了幾次，後來才發覺每次都是她或他，
漸漸的，我已經知道他們會在哪個巴士站下車，
而且他們倆個都是睡得很好，很端正，從來都不會倚靠著我來睡，
完全沒有身體接觸，令我可以放心的睡。

我在屯門的日子還有3個多月的時間，partner們，我們要合作愉快呢！

Joe 說:
我比我個fd 吹脹..
K for Kinki @ 阿婆香水 說:
?
Joe 說:
“b i l l y 說:
hey..知唔知鷹栗粉同雞粉有冇分別架”
K for Kinki @ 阿婆香水 說:
b or g?
Joe 說:
wt?
K for Kinki @ 阿婆香水 說:
boy or girl
Joe 說:
boy..
Joe 說:
最重要既係..
Joe 說:
你估下佢問黎做咩
K for Kinki @ 阿婆香水 說:
整蛋糕?
Joe 說:
NO..
Joe 說:
b i l l y 說:
咁蒸過水蛋未呀
Joe 說:
咪當我低能啦
b i l l y 說:
蒸水蛋落鷹粟粉ok ma
Joe 說:
落粉做咩7呀
b i l l y 說:
唔洗落ge咩
b i l l y 說:
落左咪傑d lor..識唔識架你

Joe 說:
我真係睇到人都呆左
K for Kinki @ 阿婆香水 說:
水蛋要咁傑做乜?
Joe 說:
我點知佢..
K for Kinki @ 阿婆香水 說:
你叫佢落魚膠粉
K for Kinki @ 阿婆香水 說:
一定傑
Joe 說:
我第一次見人蒸蛋落鷹粟粉
Joe 說:
我笑到停唔到
Joe 說:
help!
K for Kinki @ 阿婆香水 說:
好搞笑
Joe 說:
Joe 說:
我個fd 話叫你落魚膠粉wo,一定傑
b i l l y 說:
邊有呢d野呀
b i l l y 說:
得鷹粟ja
b i l l y 說:
同埋太遲喇,,蒸緊喇
K for Kinki @ 阿婆香水 說:
hahahhhahhahaaaaaaaaaaaaaaaaaaaa笑死
K for Kinki @ 阿婆香水 說:
完全係一個笑話

還記得我之前講過的賤男嗎？
今早一開facebook，就收到朋友send來的一個fun wall：

一定要forward，提防此人！

From my fd
呢個係賤男人!今日(二零零八年七月二十三日晚上大約六點三十分)我搭961由灣仔返屋企, 呢個賤佬又係係灣仔上車, 我因為貪方便, 所以坐o係，但係其他地方大把位…佢偏坐向我隔離. 佢一開始就帶住耳筒扮晒聽歌訓覺，雙手翅住…, 當巴士駛到屯門公路, 我感覺到佢開始唔規矩，佢翅住對手，懶係唔覺意咁撞我一下，, 我即刻望吓佢, 有少許傾則去我嗰邊, 我起初以為係佢個無心, 但當我留意咁望住佢時， 我竟然見到呢個賤佬隻左手伸咗四隻手指過嚟撩撩吓咁整我呀! 我即刻好大力咁將自己個袋隊係我同佢之間,擋住佢隻淫手, 佢啲手指當堂垂返低, 佢仲繼續扮瞓, 個頭擰擰, 仲笑淫淫! 一副得戚的模樣…比我咁大力用個袋整到都無反應, 肯定唔係真瞓! 我真係嬲到爆! 勁想揼佢. 既然佢扮瞓, 我索性用電話影低佢個賤樣, 唔該幫我傳開去, 唔洗等961嘅女乘客再受害! 佢帶眼鏡，黑框嘅, 年約二十許歲, 頸帶一條銀色既鍊, 係屯門安定站落車!

嘿嘿！抵你有今日！

話說同事S的電腦比我的電腦差，
只要某個file name的path太長就不能開啓，
整天都要叫我改這個名，改那個名，
搬這裡搬那裡，有點不耐煩，
我問他為何我的電腦就可以作修改，
唯獨他那一部就不行，他說不知道，
我說他的電腦肯定是有眼仔的，
所以電腦知道他不是一個帥哥，也懶得理他

「哈哈！低能！好爛呀個gag！」
同事S說完這句說話便掛線了。
個gag咁爛你又笑？

一向都是Canon的粉絲，家裡所有攝影產品都非Canon莫屬，
但現在，我要宣佈， 我要捨棄Canon，愛上Nikon！
因為身邊實在有太多太多太多朋友都是Nikon的粉絲，
長遠來計，合夥經營總比獨市的好。

對，我是個叛徒！
Canon…雖然我們已經相處了2個年頭，
你就當我們是有緣無份吧！

早陣子提及過我手受傷了，
因為漸漸感受到雷醫生的無能，
所以已經轉了第二位醫生，
昨晚是第二次的覆診，奇怪的，
軟組織位置越來越痛，醫生問我要不要打針，
我試過，打的時候不痛，但打完之後，就很痛。

拒絕了，於是醫生就要我不斷做物理治療和吃藥，
再加上要搽藥膏，此藥膏擁有白花油的味道，
一日三次，看來…我這十天還是跟阿婆香水作伴了。

今天突然很有衝動的想要辭職，辭職信都已經預備好了，
但經過多番的爭扎，最後還是把辭職信碎掉。
也許，還不是時候吧…

天生手腕一直都比較弱，再加上後天的破壞，
韌帶終於都撕裂了，現在要做物理治療，
要打衛生排球，要吃藥。
祝我早日康復！

加插一段睇骨科醫生時既對話：

醫生：邊度整親呀？
我：手腕，可能係因為打波。
醫生：打波….打咩波呀？
我：打排球
醫生：E? 你咁細粒都打得架咩？我見D人個個都好高大架喎！
我：咁細粒有細粒既好，靈活嘛！
醫生：哦…你係碌黎碌去果D呀？
我：（都費事解釋咁多）係呀….
醫生：呀！係咪一隊裡面著唔同色衫果個呀？
我：係呀…
醫生：呢個叫咩名呀？點解要著唔同色衫既？
我：自由防守球員，著唔同色衫係要比人知佢係自由人
醫生：咁自由防守球員做咩架？
我：咪負責防守，接波架囉~
醫生：哦…所以要碌黎碌去…
我：係呀……………………
醫生：咁等我睇下你隻手先！
我：………………..

〈睇完〉

醫生：哦…你隻手應該係韌帶撕裂
我：吓？咁係咪無藥醫架？
醫生：有得醫….打支針，食D藥，做下物理治療啦
我：哦…
姑娘：好喇，你過黎打支針先啦
我：哦….痛唔痛架？（一路問就一路行過去）
姑娘：少少痛啦，唔係我打，係醫生打
我：（擰轉背望住醫生）咁你仲唔過黎？
醫生：)@(*$#@*($&@#*($^@!!!
醫生：你知唔知你個名好出名架？
我：唔知喎
醫生：你唔知咩？你返去問下你阿爸
我：我估我阿爸都係亂改咋喎
醫生：咁問你阿爺啦！
我：我阿爺會唔會已經死左呢？
醫生：咁你問下D上左年紀，生活係七十年代既阿伯啦，要有文化架喎
我：我點會識七十年代又有文化既阿伯呀？你講我知咪得囉
醫生：哦…以前有個女人係電台講細路仔故事既，同你一樣名。
我：哦…..

自此之後，成間診所都記得我叫咩名lu~

不經不覺，買了這部相機都已經年半了，
以前主要是為家中暫託的貓隻「趁可愛留倩影」，
不過自從搬了新居後，因某些原因，沒有新的暫託貓咪入屋，
相機亦因而荒廢了。

直至早幾天，金金突然多了一個鏡頭，自己用不著，
便叫我帶相機出外試試鏡，
可惜，鏡頭是不適合了，
但卻令我重拾對攝影的興趣，
所謂一入豪門深似海，
看來我破產的命運是永遠都不會完結的。

我在此呼籲所有朋友們，
如果大家身邊有朋友是從事有關於攝影行業（特別是Canon﹞或；
可以有途徑可以以優惠的價錢買攝影器材的，
煩請通知一下，幫補一下「救救小kinki基金」。

謝！